- ປະຫວັດຄວາມເປັນມາ
ສູນເຕັກໂນໂລຊີຂໍ້ມູນຂ່າວສານ ຂຽນຫຍໍ້ “ຕຂ” ເປັນອົງການຈັດຕັ້ງໜຶ່ງພາຍໃນສໍານັກງານອະທິການບໍດີ ພາຍໃຕ້ການຊີ້ນໍາຂອງທ່ານອະທິການບໍດີ ໂດຍສະເພາະແມ່ນ ຮອງອະທິການບໍດີ ຕາມການມອບໝາຍຂອງ ທ່ານອະທິການບໍດີໃຫ້ຮັບຜິດຊອບຊີ້ນໍາ.
- ພາລະບົດບາດ
ເປັນເສນາທິການໃຫ້ແກ່ອະທິການບໍດີ ດ້ານວຽກງານເຕັກໂນໂລຊີຂໍ້ມູນຂ່າວສານ, ນຳເອົາທິດຊີ້ນຳຂອງຄະນະນໍາມາຜັນຂະຫຍາຍ ສ້າງເປັນແຜນພັດທະນາຂອງຕົນທັງໄລຍະສັ້ນ ແລະ ໄລຍະຍາວ, ເປັນຈຸດໃຈກາງທາງດ້ານການຜະລິດ, ເກັບກຳ, ສະສົມ, ສະໜອງຂໍ້ມູນຂ່າວສານ ແລະ ໃຫ້ການບໍລິການດ້ານເຕັກໂນໂລຊີຂໍ້ມູນ ຂ່າວສານ, ມີຖານະທຽບເທົ່າຫ້ອງການອື່ນໆ ທີ່ຂື້ນກັບສຳນັກງານອະທິການບໍດີ, ປະສານງານກັບບັນດາຄະນະ ວິຊາ, ຫ້ອງການ ແລະ ອົງການຈັດຕັ້ງຕ່າງໆ ນຳເອົາທິດຊີ້ນຳຂອງຄະນະນໍາມາຜັນຂະຫຍາຍ, ສ້າງ ແລະ ປັບປຸງແຜນການພັດທະນາໃຫ້ແທດເໝາະ.
- ໜ້າທີ່
- ປະສານສົມທົບກັບພາກສ່ວນຕ່າງໆ ພາຍໃນມະຫາວິທະຍາ ໄລສຸພານຸວົງ ເພື່ອຈັດການພັດທະນາ, ເກັບກໍາ ແລະ ຄຸ້ມຄອງລະບົບຂໍ້ມູນຕ່າງໆ ທົ່ວມະຫາວິທະຍາໄລ ສຸພານຸວົງ ໃຫ້ມີລັກສະນະລວມສູນ ນໍາໃຊ້ໄດ້ຕາມພາລະບົດບາດ, ສິດ ແລະ ໜ້າທີ່ ຂອງແຕ່ລະພາກສ່ວນ.
- ບໍາລຸງຮັກສາ ທາງດ້ານຮາດແວ ແລະ ຊອບແວ, ພັດທະນາໂປຮແກຣມນຳໃຊ້, ຄຸ້ມຄອງລະບົບເຄືຶອຂ່າຍ ແລະ ເຜີຍແຜ່ຂໍ້ມູນຂ່າວສານຂອງມະຫາວິທະຍາໄລ ສຸພານຸວົງ ໂດຍຜ່ານເວບໄຊ (Website).
- ໃຫ້ຄຳປຶກສາ, ເຜີຍແຜ່ຄວາມຮູ້ດ້ານເຕັກໂນໂລຊີຂໍ້ມູນຂ່າວສານໃຫ້ບັນດາຄະນະວິຊາ, ສົ່ງເສີມການພັດທະນາເວບໄຊ ຂອງຄະນະວິຊາ, ສູນ ແລະ ພາກສ່ວນຕ່າງໆພາຍໃນມະຫາວິທະຍາໄລ ສຸພານຸວົງ.
- ຈັດການຮຽນ-ການສອນ, ການຝຶກອົບຮົມໄລຍະສັ້ນ, ໄລຍະຍາວ ແລະ ບໍລິການດ້ານວິຊາການທີ່ກ່ຽວຂ້ອງ ທັງພາຍໃນ ແລະ ພາຍນອກ ຕາມການອະນຸມັດ, ສ້າງປຶ້ມຄູ່ມື ແລະ ຝຶກອົບຮົມການນໍາໃຊ້ລະບົບໂປຣແກຣມ ແລະ ຖານຂໍ້ມູນ.
- ຄວບຄຸມທາງດ້ານມາດຖານດ້ານຮາດແວ ແລະ ຊອບແວ ທີ່ນໍາໃຊ້ໃນມະຫາວິທະຍາໄລ ສຸພານຸວົງ.
- ກໍານົດລະບຽບການຄຸ້ມຄອງທາງດ້ານການນຳໃຊ້ເຕັກໂນໂລຊີຂໍ້ມູນຂ່າວສານພາຍໃນມະຫາວິທະຍາໄລ ສຸພານຸວົງ.
- ຂອບເຂດສິດ
- ສະເໜີແຜນພັດທະນາ, ແຜນການງົບປະມານ ເພຶ່ອບຳລຸງຮັກສາອຸປະກອນ; ແຜນຄວາມຕ້ອງການ, ແຜນບັນຈຸບຸກຄະລະກອນ
ໃໝ່ ແລະ ແຜນພັດທະນາບຸກຄະລະກອນຂອງຕົນ, ຮ່ວມມືແລກປ່ຽນປະສົບການກັບຄູ- ອາຈານ ແລະ ນັກວິຊາການກັບພາກສ່ວນອື່ນໆ.
- ຄຸ້ມຄອງລະບົບຖານຂໍ້ມູນ, ເວບໄຊ້ຂອງມະຫາວິທະຍາໄລ ແລະ ຄະນະວິຊາຕ່າງໆໃຫ້ລວມສູນ, ຕິດ ຕາມ ແລະ ກວດກາການເຄື່ອນຍ້າຍ, ເພີ່ມ ຫຼື ລົບອອກຂອງບັນດາອຸປະກອນ IT ທົ່ວ ມສ.
- ສົ່ງເສີມພະນັກງານພາຍໃນສູນໃຫ້ມີຄວາມຮູ້, ຄວາມສາມາດທາງດ້ານການບໍລິຫານ, ດ້ານວິຊາການ ແລະ ປະຕິບັດນະໂຍບາຍ, ຍ້ອງຍໍຕໍ່ພະນັກງານພາຍໃນສູນຂອງຕົນຕາມລະບຽບຫຼັກການ.
- ຈັດການຮຽນ-ການສອນ, ເຮັດບົດວິໄຈ, ຈັດການຝຶກອົບຮົມໄລຍະສັ້ນ, ໄລຍະຍາວ, ເຜີຍແຜ່ຄວາມຮູ້ກ່ຽວກັບເຕັກໂນໂລຊີຂໍ້ມູນຂ່າວສານໃຫ້ແກ່ຜູ້ສົນໃຈທັງພາຍໃນ ແລະ ພາຍນອກ.
- ມີສິດເຂົ້າຮ່ວມປະຊຸມ ແລະ ຕັດສິນບັນຫາຕ່າງໆຂອງມະຫາວິທະຍາໄລ , ສາມາດໃຫ້ການບໍລິການວິຊາການ, ເຮັດການຄົ້ນຄວ້າວິໄຈ, ບໍລິການວິຊາການຖືກຕ້ອງລະບຽບຂອງມະຫາວິທະຍາໄລ ແລະ ກົດໝາຍ ຂອງ ສປປລາວ ແລະ ປະຕິບັດສິດອື່ນໆຕາມການມອບໝາຍຂອງຂັ້ນເທິງ
- ໂຄງປະກອບການຈັດຕັ້ງ
ສູນເຕັກໂນໂລຊີຂໍ້ມູນຂ່າວສານມີໂຄງປະກອບກົງຈັກການຈັດຕັ້ງດັ່ງນີ້:
– ພະແນກເຕັກນິກ ແລະ ຄຸ້ມຄອງລະບົບມາດຕະຖານ.
– ພະແນກຂໍ້ມູນຂ່າວສານ ແລະ ພັດທະນາ.
– ພະແນກບໍລິການ ແລະ ຝຶກອົບຮົມ.
- ໂຄງປະກອບດ້ານບຸກຄະລາກອນ
ສູນເຕັກໂນໂລຊີຂໍ້ມູນຂ່າວສານ ປະກອບມີບຸກຄະລາກອນ 15 ຕຳແໜ່ງ ໃນນັ້ນມີຄື:
– ຜູ້ອຳນວຍການສູນ 1 ຕຳແໜ່ງ
– ຮອງຜູ້ອຳນວຍການສູນ 2 ຕຳແໜ່ງ
– ຫົວໜ້າພະແນກ 3 ຕຳແໜ່ງ
– ຮອງຫົວໜ້າພະແນກ 3 ຕຳແໜ່ງ
– ພະນັກງານວິຊາການ 6 ຕຳແໜ່ງ
- ໜ້າທີີ່ ແລະ ຂອບເຂດສິດຂອງຜູ້ອຳນວຍການສູນ
ທ່ານ ປທ ສິນລະປະໄຊ ແສງດາລາ
- ສຶກສາອົບຮົມດ້ານການເມືອງແນວຄິດ, ຄຸນສົມບັດ ແລະ ລະບຽບກົດໝາຍຕ່າງໆ ໃຫ້ແກ່ພະນັກງານ ພາຍໃນຄວາມຮັບຜິດຊອບຂອງຕົນໃຫ້ເປັນພະນັກງານທີ່ດີ.
- ຊີ້ນໍາ, ນຳພາໃນການຈັດຕັ້ງປະຕິບັດໜ້າທີ່ ແລະ ຂອບເຂດສິດຂອງສູນ ທີ່ກຳນົດໄວ້ຕາມມາດຕາ 3 ແລະ ມາດຕາ
- ເຂົ້າຮ່ວມປະຊຸມສ່ອງແສງ, ຮ່ວມຕັດສິນບັນຫາທີ່ກ່ຽວຂ້ອງຕ່າງໆພາຍໃນມະຫາວິທະຍາໄລຕາມພາລະບົດບາດຂອງຕົນ.
- ປະຕິບັດຫນ້າທີ່ອື່ນໆຕາມການມອບໝາຍຂອງຂັ້ນເທິງ.
8. ໜ້າທີ່ ແລະ ຂອບເຂດສິດຂອງຮອງຜູ້ອຳນວຍການສູນ
ທ່ານ ປທ ບຸນໂຮມ ເມກສະຫວັນ
- ຊ່ວຍຊີ້ນໍາ, ນໍາພາໃນການຈັດຕັ້ງປະຕິບັດໜ້າທີ່ ແລະ ຂອບເຂດສິດຂອງສູນທີ່ກຳນົດໄວ້ຕາມມາດຕາ 3 ແລະ ມາດຕາ
- ໃນເວລາທີ່ຜູ້ອຳນວຍການສູນບໍ່ຢູ່ ຮອງຜູ້ອຳນວຍການສູນ ມີສິດເຮັດໜ້າທີ່ແທນຕາມການມອບໝາຍຂອງຜູ້ອຳນວຍການສູນ.
- ປະຕິບັດສິດອື່ນໆຕາມການມອບໝາຍ.
- ໜ້າທີ່ ແລະ ຂອບເຂດສິດຂອງພະແນກເຕັກນິກ ແລະ ຄຸ້ມຄອງລະບົບ ມາດຕະຖານ
ທ່ານ ປທ ບຸນຖະໜອມ ວິໄລສັກ
ທ່ານ ປຕ ພອນສະຫວັດ ສິດທິພົງ
ທ່ານ ປຕ ພູທອນ ສີລິລັດ
- ສ້າງແຜນຍຸດທະສາດ, ແຜນງົບປະມານປະຈຳປີຂອງພະແນກເພື່ອຈັດຊື້ອຸປະກອນຮັບໃຊ້ການສ້ອມແປງ ແລະ ບຳລຸງຮັກສາ ລວມເຖິງຄ່າລິຂະສິດສຳລັບຊອບແວນຳໃຊ້ທີ່ຈຳເປັນ.
- ກວດກາ, ສ້ອມແປງ ແລະ ບຳລຸງຮັກສາອຸປະກອນໃຫ້ສາມາດນຳໃຊ້ໄດ້ເປັນປົກະຕິ; ຕິດຕາມການເຄື່ອນຍ້າຍອຸປະກອນທີ່ເປັນຊັບສິນຂອງມະຫາວິທະຍາໄລ ແລະ ມີສິດເຂົ້າຮ່ວມຕັດສິນບັນຫາການຈັດຊື້- ຈັດຈ້າງອຸປະກອນທີ່ກ່ຽວຂ້ອງຕາມການແຕ່ງຕັ້ງ.
- ສ້າງມາດຕະຖານການນຳໃຊ້, ມາດຕາຖານການຝຶກອົບຮົມ, ການສອບເສັງຜ່ານລະບົບ ICT, ຈັດຕັ້ງປະຕິບັດວຽກງານດ້ານເອກະສານອິເລັກໂທຼນິກໃຫ້ລວມສູນ, ອຳນວຍຄວາມສະດວກດ້ານການຮຽນການສອນດ້ານ
- ຊອກຫາແຫຼ່ງທຶນເພື່ອຊຸກຍູ້ ແລະ ສົ່ງເສີມສະໜັບສະໜູນວຽກງານພາຍໃນຄວາມຮັບຜິດຊອບຂອງຕົນ.
- ຕິດຕາມ, ກວດກາ, ສະຫຼູບ, ລາຍງານ ແລະ ປະຕິບັດໜ້າທີ່ ແລະ ສິດອື່ນໆ ຕາມການມອບໝາຍຂອງຂັ້ນເທິງ
- ໜ້າທີ່ ແລະ ຂອບເຂດສິດຂອງພະແນກຂໍ້ມູນຂ່າວສານ ແລະ ພັດທະຖາ
ທ່ານ ປຕ ອຳໄພ ວົງສະຫວັນ
- ສ້າງແຜນຍຸດທະສາດ, ແຜນງົບປະມານປະຈຳປີຂອງພະແນກເພື່ອຕອບສະໜອງໃຫ້ວຽກງານຂອງພະແນກຂໍ້ມູນຂ່າວສານ ແລະ ພັດທະນາ.
- ພັດທະນາຖານຂໍ້ມູນໃຫ້ໄດ້ມາດຕະຖານ, ຄຸ້ມຄອງຂໍ້ມູນລວມຂອງ ມສ, ພັດທະນາ ແລະ ຄຸ້ມຄອງເວັບໄຊ້ (Website) ມສ, ພັດທະນາຖານຄູ່ມືການບໍລິຫານ, ຄູ່ມືການນຳໃຊ້ ແລະ ຄຸ້ມຄອງ, ບໍລິຫານລະບົບ EMS ແລະ ລະບົບ (E-learning);
- ພັດທະນາດ້ານຊອບແວ, ຫຼັກສູດ, ເອກະສານ ແລະ ແບບຮຽນເພື່ອສະໜອງໃຫ້ການຝຶກອົບຮົມ ຊຸກຍູ້ການພົວພັນຮ່ວມມືກັບອົງການ, ບັນດາສະຖາບັນຕ່າງໆທັງພາຍໃນ ແລະ ຕ່າງໆປະເທດເພື່ອການພັດທະນາດ້ານວິຊາການໃຫ້ເຂັ້ມແຂງ.
- ຊອກຫາແຫຼ່ງທຶນເພື່ອຊຸກຍູ້ ແລະ ສົ່ງເສີມສະໜັບສະໜູນວຽກງານພາຍໃນຄວາມຮັບຜິດຊອບຂອງຕົນ.
- ຕິດຕາມ, ກວດກາ, ສະຫຼູບ, ລາຍງານ ແລະ ປະຕິບັດໜ້າທີ່ ແລະ ສິດອື່ນໆ ຕາມການມອບໝາຍຂອງ ຂັ້ນເທິງ.
- ໜ້າທີ່ ແລະ ຂອບເຂດສິດຂອງພະແນກບໍລິການ ແລະ ຝຶກອົບຮົມ
ທ່ານ ນາງ ປຕ ປານີ ປານ
ທ່ານ ປຕ ບຸດສະດີ ນາມປັນຍາ