ພິທີປະກາດຍົກຍ້າຍ, ແຕ່ງຕັ້ງ ແລະ ມອບ-ຮັບ ໜ້າທີ່ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ ລະຫວ່າງຜູ້ເກົ່າ ແລະ ຜູ້ໃໝ່ໃນຕອນບ່າຍຂອງວັນທີ 4 ກໍລະກົດ 2024 ທີ່ ສະໂມສອນ ມະຫາວິທະຍາໄລສຸພານຸວົງ ໄດ້ມີພິທີປະກາດຍົກຍ້າຍ, ແຕ່ງຕັ້ງ ແລະ ມອບ-ຮັບ ໜ້າທີ່ຫົວໜ້າພະແນກສຶກສາທິການ ແລະ ກິລາ ລະຫວ່າງ ຜູ້ເກົ່າ ແລະ ຜູ້ໃໝ່, ໃຫ້ກຽດເປັນປະທານໂດຍທ່ານ ບຸນເລື່ອມ ມະນີວົງ ກໍາມະການປະຈໍາພັກແຂວງ, ຮອງເຈົ້າແຂວງຫຼວງພະບາງ, ມີຄະນະຈັດຕັ້ງແຂວງຫຼວງພະບາງ, ຄະນະອະທິການບໍດີ, ພະນັກງານການນໍາ, ພະນັກງານ-ອາຈານພາຍໃນມະຫາວິທະຍາໄລສຸພານຸວົງ ແລະ ແຂກຖືກເຊີນຈາກຫຼາຍພາກສ່ວນເຂົ້າຮ່ວມຢ່າງພ້ອມພຽງ.
ທ່ານ ນາງ ລັດສະໜີຈັນ ບຸນສະຫວັດ ຫົວໜ້າຂະແໜງພະນັກງານ ຄະນະຈັດຕັ້ງແຂວງຫຼວງພະບາງ ໄດ້ຂຶ້ນຜ່ານຂໍ້ຕົກລົງຂອງເຈົ້າແຂວງຫຼວງພະບາງ ສະບັບເລກທີ 72/ຈຂ-ຫຼບ, ລົງວັນທີ 26 ມິຖຸນາ 2024 ວ່າດ້ວຍການຍົກຍ້າຍບ່ອນປະຈໍາການພະນັກງານ-ລັດຖະກອນ; ມາດຕາ 1 ຕົກລົງຍົກຍ້າຍ ທ່ານ ປອ. ວົງເພັດ ອຸດົມລິດ ກໍາມະການພັກແຂວງ, ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ ໄປປະຈໍາການຢູ່ກະຊວງສຶກສາທິການ ແລະ ກິລາ; ແລະ ຂໍ້ຕົກລົງຂອງເຈົ້າແຂວງຫຼວງພະບາງ ສະບັບເລກທີ 70/ຈຂ-ຫຼບ, ລົງວັນທີ 26 ມິຖຸນາ 2024 ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານດໍາລົງຕໍາແໜ່ງບໍລິຫານ, ມາດຕາ 1 ຕົກລົງຍົກຍ້າຍ ແລະ ແຕ່ງຕັ້ງ ທ່ານ ປອ. ສຸລິເດດ ແກ້ວບົວລະເພັດ ຮອງອະທິການບໍດີ ມະຫາວິທະຍາໄລສຸພານຸວົງ ໄປເປັນຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ.
ໃຫ້ກຽດມອບ-ຮັບ ຂໍ້ຕົກລົງ ແລະ ເຊັນບົດບັນທຶກມອບ-ຮັບໜ້າທີ່ລະຫວ່າງຜູ້ເກົ່າ ແລະ ຜູ້ໃໝ່ ໂດຍ ທ່ານ ບຸນເລື່ອມ ມະນີວົງ ກໍາມະການປະຈໍາພັກແຂວງ, ຮອງເຈົ້າແຂວງຫຼວງພະບາງ; ພ້ອມດຽວກັນນັ້ນ ທ່ານ ຮສ. ປທ. ວິລະ ອາໂນລັກ ອະທິການບໍດີ ມະຫາວິທະຍາໄລສຸພານຸວົງ ໄດ້ໃຫ້ກຽດມອບໃບຍ້ອງຍໍໃຫ້ກັບທ່ານ ຫົວໜ້າພະແນກສຶກສາທິການ ແລະ ກິລາ ແຂວງຫຼວງພະບາງ ຄົນໃໝ່.ທ່ານ ບຸນເລື່ອມ ມະນີວົງ ກໍາມະການປະຈໍາພັກແຂວງ, ຮອງເຈົ້າແຂວງຫຼວງພະບາງ, ທັງເປັນປະທານໃນພິທີໄດ້ໃຫ້ກຽດໂອ້ລົມຕໍ່ກອງປະຊຸມ ໂດຍໄດ້ຍ້ອງຍໍຊົມເຊີຍຕໍ່ຜົນສຳເລັດໃນການຊີ້ນໍານໍາພາຂອງທ່ານຫົວໜ້າພະແນກສຶກສາທິການ ແລະກິລາ ແຂວງຫຼວງພະບາງ ໃນໄລຍະຜ່ານມາ, ພ້ອມກັນນັ້ນ ທ່ານຍັງໄດ້ຮຽກຮ້ອງມາຍັງທ່ານຫົວໜ້າພະແນກສຶກສາທິການ ແລະ ກິລາ ຫຼວງພະບາງ ຄົນໃໝ່ຈົ່ງເອົາໃຈໃສ່ຊຸກຍູ້ວຽກງານແຕ່ລະດ້ານເຊັ່ນ ດ້ານການເມືອງແນວຄິດໃຫ້ກັບພະນັກງານໃນຂະແໜງການສຶກສາໃຫ້ມີຄວາມອຸ່ນອ່ຽນທຸ່ນທ່ຽງໃນການປະຕິບັດໜ້າທີ່ທ່າມກາງສະພາບເສດຖະກິດໃນປັດຈຸບັນ, ດ້ານການຊີ້ນໍານໍາພາລະບອບແບບແຜນວິທີການເຮັດວຽກຢ່າງເອົາໃຈໃສ່, ດ້ານກົນໄກໃນການເຮັດວຽກ, ດ້ານການກໍ່ສ້າງພະນັກງານສືບທອດແລະຕໍ່ເນື່ອງ, ດ້ານວຽກງານຮາກຖານໂດຍຕິດພັນກັບທ້ອງຖິ່ນ, ການພັດທະນາພື້ນຖານໂຄງລ່າງໃນຂະແໜງການສຶກສາໃຫ້ມີຄວາມເຂັ້ມແຂງເທື່ອລະກ້າວ ແລະ ໝັ້ນຄົງ, ສືບຕໍ່ຮັກສາມູນເຊື້ອອັນດີງານ ແລະ ຂະຫຍາຍໃຫ້ດີຂຶ້ນເລື້ອຍໆ, ເປັນແບບຢ່າງໃນການນໍາໜ້າໃນແຕ່ລະດ້ານ, ສ້າງຄວາມສາມັກຄີໃຫ້ແໜ້ນແຟ້ນທັງພາຍໃນແລະພາຍນອກ, ນໍາພາຫັນປ່ຽນໃນທິດທາງທີ່ດີຂຶ້ນຢ່າງເລິກເຊິ່ງຮອບດ້ານ.
The annual meeting and the ceremony of awarding academic certificates, the announcement of master’s and bachelor’s degrees on August 28, 2023, Suphanu Vong University has organized the 2023 annual meeting at the main club to review the activities of Suphanu Vong University throughout the period of 1 year and through the direction of the future plan. For those who have completed their studies at the bachelor’s level and awarded the 1st and 2nd honors diplomas to the students who have completed their studies
